Evergreen Urdu Ghazal Shyari,New and touching sadness urdu poetry,Love Urdu Poetry,Images Urdu Poetry

Mohabbat K Safar Main Jab Wafa Ka Silsla Likha,
To Tujh Ko Apni Hasti Ka Akela Aashna Likha,

Zamane Ki Adawat Ne Kaafir Tak Kaha Mujh Ko,
Phir Bhi Meri Chahat Ne Tujhe Sab Se Juda Likha,

Mere Jazbon Ki Taaqat Ko Koi Bhi Samjh Na Paya,
Kisi Ne Ibtada Likha, Kisi Ne Inteha Likha,

Teri Hasti Qayamat Thi Ya Koi Sehar Tha Tujh Main?
Ke Khud Taqdeer Ne Tujh Ko Dua Ka Moujaza Likha,

Meri Dharkan Ki Bandish Pe Zamane K Maseeha Ne,
Mohabbat Ko Gham Likha, Tujhe Us Ki Dawa Likha,

Mujhe Ye Fakhar Hai K Main Tujhe Tehreer Karta Hun,
Isi Khatir Tujhe Pal Pal Apna Hum Nawa Likha..!