Chahat Ko Hum Ne Uski Nishani Samajh Liya

Chahat Ko Hum Ne Uski Nishani Samajh Liya
Woh To Saraab Tha Jisay Pani Samajh Liya

Us Ne Kaha K Sara Jahan Hai Mera Wujood
Aur Hum Ne Is Jahaan Ko Faani Samajh Liya

Guzri Jo Dil Pay Woh Bhi Qayamat Thi Baa Khuda
Aur Tum Ne Is Ko Aik Kahani Samajh Liya

Khushbu Ko Hum Ne Jaar Mein Qaidi Bana Liya
Saanpo'n Ne Usko Raat Ki Rani Samajh Liya

Samaan Mout Ka Bhi Woh Laaye Hain Apne Sath
Phoolo'n Ne Jis Ko Apni Jawani Samajh Liya

Uska Mijaaz Jheel Ki Soorat , Parra Raha
Darya Ki, Jis Ko Hum Ne Rawani Samajh Liya

Us Ne Abhi Abhi Kaha To Kaha Tha Hamei'n Batool
Aur Hum Ne Usko Yaad Purani Samajh Liya.......