Ajeeb Uljan Mein Daal Gaya Ik Shaks

Ajeeb Uljan Mein Daal Gaya Ik Shaks,
K Ik Baat Say Roshnaas Kara Gaya Ik Shaks,

Bayrang Zindagi Mein Kuch Is Qadar Kiya Asar Us Nay,
K Saat Rangong Ki Danak Dikha Gaya Ik Shaks,

Jub B Mila Kisi Say Apnayat Say Mila,
Aur Humein Bhi Jeenay Ki Ada Sikha Gaya Ik Shaks,

Har Baat Samjany Ka Alag Hi Hunar Tha Us Ka,
Khazaan Mein Goya Bahaar Ka Samma Samjha Gaya Ik Shaks,

Chup Reh K Bhi Shayad Kuch Keh Jata Tha Wo,
Har Baar Ik Alag Kashmakash Mein Daal Gaya Ik Shaks