Aankhon Men Baqi Reh Gaye

Aankhon Men Baqi Reh Gaye, Ab Tere Khad-o-Khaal Sey
Lab Pey Hain Kuch Sawal Sey,Dil Men Hain Kuch Malaal Sey

Tu Jo Gaya To Youn Laga, Tanha Hoon Kainaat Main
Raatain Thaki Thaki Meri, Din Bhi Meray Nidhaal Se

Itney Qareeb Hoon Teray, Rasta Na Wehem Ko Milay
Soun Teray Hisaar Main, Jagoon Teray Jamal Sey

Mujh Ko Hain Kaam Aur Bhi, Kuch To Karo Mera Khayal
Aatay Ho Jab Khayal Main, Jatay Nahi Khayal Sey

Tujh Si Haseen Ghazal Koi, Mujh Sa Ghazal Sara Koi
Duniya Main Ho Ager Kaheen, Waazeh Karo Misaal Sey

Uss Se Gila Ay Dosto, Itna Sa Hai K Wo Mujhey
Samjha Nahi Hai Aaj Tak, Ghaafil Hai Meray Haal Sey...!