Urdu Nazam By Farhat Abbas Shah.Farhat Abbas Shah Hit Shayari.Farhat Abbas Shah evergreen shayari.Farhat Abbas Shah heart touch poetry.Farhat Abbas Shah urdu ghazals

Aag Ho To Jalne Mein Der Kitni Lagti Hai,
Barf Ke Pighalne Mein Der Kitni Lagti Hai,

Chahe Koi Ruk Jaye, Chahe Koi Reh Jaye,
Qaafilo Ko Chalne Main Der Kitni Lagti Hai,

Chahe Koi Jaise Bhi Hamsafar Ho Sadiyon Se,
Rasta Badalne Mein Der Kitni Lagti Hai,

Ye To Waqt Ke Bas Mein Hai Ke Kitni Mohlat De,
Warna Waqt Dhalne Mein Der Kitni Lagti Hai,

Soch Ke Zameeno Par Raste Juda Ho To,
Dur Ja Nikalne Mein Der Kitni Lagti Hai,

Umar Bhar Ka Bandhan Bhi Pal Bhar Mein Tut Jata Hai,
Soch Ko Badalne Mein Der Kitni Lagti Hai,

Jab Hawa Mukhalif Ho, Moj Mein Samander Ho,
Kashtiyan Ulatne Mein Der Kitni Lagti Hai.