Urdu Evergreen Ghazal.Urdu Outclass Poetry 2014

Na Jane Dhoondty Ho Kya Meri veeran Aankhon Main,
Chupa Rakhe Hum Ne To Kai Toofaan Aankhon Main,

Kahan Wo Shokhiyan Pehlay Si Ab Kuch Bhi Nahi Baqi,
Chaly Aaye Ho Tum Kya Khojnay In Be-jaan Aankhon Main,

Kisi Ka Haath Lekar Haath Mai Jab Tum Mile Hum Se,
To Kaise Toot Ke Bikhra Tha Mera Maan Aankhon Main,

Na Samjho Chup Hain To Tum Se Koi Shikwa Nahi Baqi,
Hum Apne Dard Ki Nahi Rakhte Koi Pehchaan Aankhon Main,

Mily The Baad Mudat Ke Humain Tum Ajnabi Ban Kar,
To Kaise Dard Na Uthta Meri Hairaan Aankhon Main,

Nahi Ab Phir Se Koi Raabta Rakhne Se Kuch Haasil,
Ke Ab Dafna Diye Hum Ne Sabhi Armaan Aankhon Main,